إلى من ملكت قلبي
و فين هالقا حبيب زيك و أجيبه منين
*
*
و بعد ما حلمي صار حلمك أسيبه لمين
*
*************
*
دا أنا عشت العذاب قبلك بقالي سنين
*
*
دا أنا الفرحة مخاصمة القلب ويَّا العين
*
*
دا أنا الضحكة مفارقة عيوني و الخدين
*
*
دا أنا القلب اللي عاش حسرة و نار و أنين
*
*
و بعد ما أملي ضاع مني في غمضة عين
*
*
و بعد ما يأسي ضيعني و فاتني حزين
*
*
ظهرتي في لحظة يا ملاكي و همّا يومين
*
*
طرحتي في قلبي بحنانك أمل و اتنين
*
*************
*
أنا بكرة هازور والدك بشوق و حنين
*
*
و هاطلب منه إيد بنته و نور العين
*
*
عشان أرضي النبي طه نبينا الزين
*
*
و هاحمد ربنا و اشكر ليوم الدين
*
*
و أغني في يوم ما نتلاقى بين الحاضرين
*
*
أنا ظافر أنا ظافر بذات الدين
*
*
*
************
كتبتها امبارح بالليل
******************
د/ عمرو كمال
د/ عمرو كمال
مرسلة بواسطة Dr cool بادّن في مالطا @ ٤:١٠ م
3 تعليقات:
يا جماعة حد يقترح عليا عنوان للقصيدة دي
مش عارف أسميها إيه
و ياريت طبعاً تقولوا رأيكم فيها
إستغربت فعلا ان حضرتك مش كاتب ليها اسم
واحترت زى حضرتك فى اسمها لكن طالما حضرتك طلبت المساعدة يبقى لازم نتصرف ونساعدك
خطر فى بالى اسمين
الاول:شوق وحنين بعد ألم وأنين
(طويل ده مش كده بلاش)
التانى:إلى من ملكت قلبى
او حضرتك قولنا إختيارات
طيب خير
يبقى القول قولك يا فندم
الاسم الثاني ( إلى من ملكت قلبي )
أنا مش هاختار الاسم الأول لسببين
الأول إنه فعلاً طويل
الثاني إني مش عايز أحط كلمات الألم في اسم القصيدة لأنها قصيدة بتعبر عن الفرحة ، أنا صحيح ذكرت فيها كلام عن الألم بس ده كان لتوضيح قيمة السعادة الحالية بعد الألم ده ، فبالتالي الألم مش هو الأصل في القصيدة .
لأني فعلاَ سعيد أوي اليومين دول .
بالرغم من إني داخل على امتحانات الباطنة ، يعني المفروض أكون بافكر في الانتحار دلوقتي ، لكني مقبل أوي على الحياة ، و نفسي ربنا يتمم لي هذه السعادة و يديمها عليَّ
يا رب تمم لي سعادتي و أفضل في السعادة دي على طول .
إرسال تعليق
الاشتراك في تعليقات الرسالة [Atom]
<< الصفحة الرئيسية