مش هنبطل ،، مش هنسافر ،، مش هنسيب
*
*
*
مش هنبطل
***
أبـــداً و مش ســـاكت .. هامضي كفاح و نضال
*
يا مصـر يا غاليـــة .. يا عـزيـزة الأبطــال
*
يا أمتــي يا بـــلادي .. يا أرضي و يا وطني
*
سهـران عشـــان أمَلك .. حلمك ليـــــالي طـــوال
*
حريتــك يا وطـــن .. أملي و مش نـــاسي
*
هافضــل أناضــل أنــا .. حتى ما يهــدى البــــال
*
و اصرخ و اعلِّي الصوت و لا يوم هاكون أخرس
*
و ازئر و اقــول يا ظلــم .. الحـــــــق صده محــــال
*
*
*
مش هنسافر
***
و هاسيب بلادي لمين .. و امشي كسير مهزوم
*
و ان كنت اسافر أنا .. بالحـــق مين هيقــوم
*
مين غيري يبقى هنا .. بقضيتـي مهمـــــــوم
*
هامحي فساد و ظلام .. هامحي غيوم و غيوم
*
و امســك بفــاس الأمــل .. و ازرع في أرضي نجوم
*
جوا عيون شعبنا .. شـايف أنا دا اليوم
*
الحق راجع لنا .. و يــرد للمظلوم
*
*
*
مش هنسيب
***
البنـــا قالها زمـــان .. أهل الصعاب إخوان
*
دعوتنـا دعــوة أمــل .. حب و عطاء و حنان
*
دي في قلبي و في مهجتي في الـدم و الشريان
*
و لا عسكــرية و لا .. مليون و ميت سجان
*
يبعدنـي عنهــــا و لا .. و ان خد فلوسي كمان
*
يا دعــوة الإخوان .. باقيـــة لكـل زمــان
*
ضد الفســاد و الظلم .. و القهــر و الطغيـــان
*
**
***
إهداء إلى أخي المهندس خيرت الشاطر و أخي الأستاذ الدكتور محمد علي بشر و جميع الإخوان المحالين إلى القضية العسكرية
*****
26 أبريل
2007
أول أيام المحاكمة العسكرية
********
دكتور / عمرو كمال
**********
القصيدة متاحة للنشر و مهداة أيضاً لكل المدونات التي تندد بالمحاكمة العسكرية و على وجه الخصوص مدونات أهالي الإخوان المحالين للقضية العسكرية
أرض مصر
أنا قلت لكم بقى قبل كده إني بموت في الخضرة
بس أكتر شيئ بيخوفني
إني في يوم أشوف الخضرة دي صحرا
أو حتى مباني و طوب و رملة
و أجهزة الدولة نايمة
أو قابضة و ساكتة
ربنا يجعل أرضك يا مصر خضرا
و ينجيكي من كل إيد قادرة و فاجرة
---------------
و طبعاً الصور من تصويري
منظر في قلبي
بحب أوي المنظر ده
بحب الخضرة
صحيح مش بجب اللون الأخضر نفسه
بس بحب أشوفه في الأرض المزروعة
و برضو الصورة من تصويري
كفاية خوف
بحب دايماً لو نجري و نجري و نجري
*
نجري في الحياة بكل قوة من غير ما نحط إيدينا على وشوشنا و احنا خايفين أحسن نخبط في حاجة
*
نفسي نجري بفطرتنا السليمة من غير ما نخاف من الأشواك نجري
*
و نقفز من فوق أعلى السدود و أقوى الموانع
*
و نحطم كل أصنام الحياة و الناس
*
نفسي نبطل نخاف
*
يا ريت نقدر نحب من غير ما نخاف
*
يا ريت نقدر ننجح من غير ما نخاف
*
يا ريت نقدر نقاوم من غير ما نخاف
*
يا ريت نقدر نتكلم من غير ما نخاف
*
يا ريت نقدر نتقدم من غير ما نخاف
*
يا ريت نقدر نتميز من غير ما نخاف
*
يا ريت نقدر نعيش من غير ما نخاف
*
ليه بنعامل قلوبنا بالقسوة دي
*
هي أجرمت في حقنا لما استخدمت حقها الطبيعي و المشروع في الحياة
*
أنا عن نفسي بشوف إن العقول هي اللي بتغلط
*
إنما القلب السليم صعب إنه يغلط
*
القلب الطبيعي صعب يغلط
*
القلب الذي لم تلوثه مطامع الحياة و شهوات الدنيا صعب يغلط
*
القلب اللي بيطالب بحقه و مش عايز أكتر من حقه صعب يغلط
*
عقولنا كتييييييييييييييييييير بتغلط
*
و هي اللي بتتعب قلوبنا
*
*
*
لحد
*
إمتي
*
هنفضل
*
نخاف؟
*
*
*
لحد
*
إمتى
*
هنعامل
*
قلوبنا
*
بقسوة ؟
*
*
**************
ده بلال
ده بلال ، حبيب قلبي
إلى من ملكت قلبي
و فين هالقا حبيب زيك و أجيبه منين
*
*
و بعد ما حلمي صار حلمك أسيبه لمين
*
*************
*
دا أنا عشت العذاب قبلك بقالي سنين
*
*
دا أنا الفرحة مخاصمة القلب ويَّا العين
*
*
دا أنا الضحكة مفارقة عيوني و الخدين
*
*
دا أنا القلب اللي عاش حسرة و نار و أنين
*
*
و بعد ما أملي ضاع مني في غمضة عين
*
*
و بعد ما يأسي ضيعني و فاتني حزين
*
*
ظهرتي في لحظة يا ملاكي و همّا يومين
*
*
طرحتي في قلبي بحنانك أمل و اتنين
*
*************
*
أنا بكرة هازور والدك بشوق و حنين
*
*
و هاطلب منه إيد بنته و نور العين
*
*
عشان أرضي النبي طه نبينا الزين
*
*
و هاحمد ربنا و اشكر ليوم الدين
*
*
و أغني في يوم ما نتلاقى بين الحاضرين
*
*
أنا ظافر أنا ظافر بذات الدين
*
*
*
************
كتبتها امبارح بالليل
******************
د/ عمرو كمال
ازاي تقول لي ما احبهاش
ازاي تقول لي ما احبهاش
و هي بتنور شموعها في قلب ليل اسود و كحل
ازاي تقول لي ما احبهاش
و هي بتطل بشموسها .. و كل ليلة أشوفها فجر
* * *
دا فجر يروي بالأمال
في أرض ملِّت م البوار و الضلمة دهر
دي أرض قلبي اللي انكسر
و عاش في حسرة و ليل و آه مليان بقهر
* * *
ازاي تقول لي ما احبهاش
دي قلب مليان بالمحبة كأنه بحر
دي قلب أبيض كالملاك
ينضح بحب الخير لغيره و كله طُهر
* * *
كان نفسي أقابلك من زمان
نشرب في حب ما ينتهي و كأنه نهر
الروح معاكي و عقلي صار
أسير هواكي و ساب في إيدك قلبي مهر
*********
كتبتها فجر اليوم
******************
د/ عمرو كمال
أحياناً........
أحياناً يكون في حياتك إنسان امتلك منك أكثر مما تمتلك أنت
و بينما أنت في أشد الحاجة إليه
إذا به يتخلى عنك
فكيف تقبل وجوده مرة أخرى في حياتك
هل هناك معني لأن يتواجد في حياتك بعد ذلك
بعد أن كنت في أشد الحاجة إليه في وقت ما
فهل هناك قيمة أن يوجد في وقت و قد تعودت على غيابه
في وقت أنت أقل حاجة إليه
بل في وقت قد لا يفرق بالنسبة لك وجوده من عدم وجوده
أعتقد الأمر واضح لكل من له قلب
******************
و أحياناً نجد أنفسنا نسقط
و نظل نسقط مثل الأحجار
و نظل نتساءل طول الوقت في بلاهة نادرة
و نحن نقترب من الارتطام و الموت
لماذا نسقط ؟؟؟
و من الذي أسقطنا ؟؟؟
إلا أنه هناك ثمة إنسان بإمكانه أن يمنحنا جناحين
حتى نتحول من أحجار تسقط
إلا طيور تطير
تحلق في عنان السماء
تسبح بين النجوم
و تسكن القمر
لا ترتطم بالأرض و الموت
فإذا ما وجدت هذا الإنسان الذي بإمكانه أن يمنحك الجناحين
فلا تتركه أبداً مطلقاً
و تشبث به كل التشبث
بل و التحم معه
و لا تترد في أن تسلك كل السبل – المشروعة - حتى تعيش معه
و تخلص من قيود الناس و المجتمع
فأنت هنا لا تتشبث بمجرد إنسان عادي
أنت هنا تتشبث بقلبك و روحك التي ليس لديك غيرها
لا تتنازل عن حقك في الحياة
و لا تحيا بدون أمل
فإما أن تكون جريئاً و مصارعاً قوياً
من أجل بقاء قلبك و روحك أحياء
أو أن تحيا في هذه الحياة
بلا روح
و بلا قلب
********************
أحياناً أقرر أن أكون واقعياً
فأفقد روحي و إحساسي
و أحياناً أقرر أن أكون حالماً
فأفقد تفاعلي مع الحياة
هذا ينصحني بذلك
و هذا ينصحني بذاك
و في النهاية أدركت
أنني إنسان
أحب أن أحيا كما أنا
لا واقعياً و لا حالماً
بل كل شيئ
أحب أن أكون كل شيئ
و أي شيئ
لأن هناك ثمة شيئ و شيئ
شيئ في رأسي
و في صدري شيئ
*************************
قلب يعانق القدس
قلبٌ يعانقُ القدسْ
يا راحلاً للقـدس تبغــي نورهــــا
بلغ سلامي و رب البيــت و الحرمِ
بلغ سلامـي لها فالشــوق يقتلــني
بلـغ سلامـي لها بالدمـــع و الألـمِ
*****
لبيكِ يا قدسـاه قلـــب محبتــــي
تفديكِ روحي فالإخلاصُ من شِيَمي
لو كنت أملك جيشاً جنْـدهُ أُسُـــدٌ
لغدوت نحوكِ بالآســادِ و الهِــــممِ
كي ما أُخفف حزن الأُمهات غــداً
و أصـوغ في وجـه الصغــار تبسُّـمي
حتى تغرد في النجــوع و في الرُبــا
طيـــرٌ و يعلـــوَ بالهُتــاف ترنُّــمي
و أُردِّدُ الأذان فـــي سـاحـاتهــــا
وتنيـر في الآفــــاق رايــــة مســـلمِ
*****
أواه كـم أبكــي لقلــــة حيلــــتي
يا قــدس يا مسـرى النبيِّ الأعظـمِ
لكنه هـــل تَعْلُــــــوَنَّ أُمــــــــةٌ
بسيول دمـع شبابهـا المُستسلـــمِ؟
لكنه الإيمـــان ســــوف يُعيدنُـــا
يا إخوتـي من دَرْبَنــا المُسْـتـَظـــلمِ
و اعلـم بأنَّ الله نـاصــــر أُمــــــةً
عملت بـآيـات الكتــاب الُمحْكــمِ
ومَشت على درب العلوم وشارفـت
نــور السـمــا و تشـبَّثـتْ بالأنجُـمِ
وغداً بإذن الله ســـوف نعيدهــــا
كـي ما نُصلِّي فـي المصــلى الأكــرمِ
*************************
القصيدة دي كتبتها من سنتين و نص تقريباً و اليوم أنشرها هنا في ظل الانتهاكات - الحفريات - التي يمارسها
الصهاينة في حق المسجد الأقصى
اللهم فك أسر المسجد الأقصى
******************
د/ عمرو كمال
